யாழ் தீவகம் மண்டைதீவுப் பகுதயில் சிறிலங்காப்படையினர் கடந்த 17 ஆம் திகதி மாலையில் இருந்து நேற்று காலைவரை போர் ஒத்திகையில் ஈடுபட்டுள்ளனர்.

மன்னாரில் சிறிலங்காப்படையினருக்கும் தமிழீழ விடுதலைப்புலிகளிற்கும் இடையே ஏற்பட்ட மோதலின்போது கொல்லப்பட்ட படையினரின் மூன்று சடலங்கள் இன்று சர்வதேச செஞ்சிலுவைச்சங்கத்திடம் கையளிக்கப்படவுள்ளன.

ஐக்கிய நாடுகள் சபையின் மனித உரிமைகள் ஆணைக்குழுவில் சிறீலங்கா மீண்டும் அங்கத்துவ நாடாக இடம்பெறுவதற்கு அமெரிக்காவின் முன்னாள் அதிபர் ஜிம்மிக்காட்டர் எதிர்ப்புத் தெரிவித்துள்ளார். மனித உரிமை ஆணைக்குழுவில் தொடர்ந்து அங்கம் வகிக்கும் முகமாக சிறீலங்கா பிறநாடுகளின் ஆதரவைக் கோருவதையும் அவர் எதிர்த்துள்ளார்.

மன்னாரில் இன்று அதிகாலை இடம்பெற்ற கைக்குண்டுத் தாக்குதலையடுத்து மன்னார் சவுத்பார் சிறிலங்காப்  படை முகாமை அண்மித்துள்ள பகுதிகளில் பாரிய சுற்றிவளைப்பு மற்றும் தேடுதல் நடவடிக்கைகள் இடம்பெற்றுள்ளன. இதுவரை 50-க்கும் அதிகமானோர் கைது செய்யப்பட்டு விசாரணைகளுக்கு உட்படுத்தப்பட்டுள்ளனர்.

மாகாணசபைத் தேர்தலுக்கு இரு வாரங்களுக்கு முன்னர் மூதூர் கடற்பிராந்தியத்தில் மீன் பிடிப்பதற்கான தடை தளர்த்தப்பட்டிருந்தது. தேர்தல் முடிவுகள் வெளிவந்த உடனேயே மீண்டும் அந்த கடற்பிரதேசத்தில் மீன்பிடித் தடை அமுலுக்குவந்துள்ளதாக மூதூர் பிரதேச மீனவர்கள் விசனம் தெரிவித்துள்ளனர்.

இலங்கைக்கு இரு அரசுகள் எனும் தேவை உள்ளது என்பதனைச் சுட்டிக்காட்டியுள்ள அனைத்துலக ஜூரிமார் ஆணைக்குழுவின் முன்னாள் தலைவரும், அவுஸ்திரேலியாவின் மாநில சட்டமா அதிபருமான நீதியரசர் ஜோன் டவுட், அந்த  இரு அரசுகளும்   கூட்டுறவுடன் வாழ்வதற்கான கட்டமைப்புக்கள் உருவாக்கப்படல் வேண்டும் என்பதனை அனைத்துலக சமூகம் அங்கீகரிக்க வேண்டும் எனவும் வலியுறுத்தியிருக்கின்றார்.

மன்னாரில் சிறிலங்காப் படையினர் மேற்கொண்ட பெருமெடுப்பிலான நகர்வுக்கு எதிராக தமிழீழ விடுதலைப் புலிகள் நடத்திய தாக்குதலில் 25-க்கும் அதிகமான படையினர் கொல்லப்பட்டுள்ளனர். 50-க்கும் அதிகமான படையினர் காயமடைந்துள்ளனர். படையினரின் 6 உடலங்களும் படைக்கலங்களும் விடுதலைப் புலிகளால் கைப்பற்றப்பட்டுள்ளன.

கடலுக்கு அடியில் இடம்பெறும் செயற்பாடுகளைக் கண்டறிந்து கண்காணிக்கக்கூடிய "சோனார்" கருவிகளை கொழும்புத் துறைமுகத்தில் பொருத்துவதற்காகத் துறைமுக அதிகாரசபை கொள்வனவு செய்துள்ள போதிலும், கடற்படையின் ஒத்துழைப்பு இல்லாததால் இதனைப் பயன்படுத்த முடியாத இக்கட்டு ஏற்பட்டிருப்பதாகக் கூறப்படுகின்றது.

ஐக்கிய நாடுகளின் மனித உரிமைக் கவுன்ஸிலிற்குப் புதிய உறுப்பினர்களைத் தெரிவுசெய்வதற்கான வாக்கெடுப்பு நாளை மறுதினம் புதன்கிழமை நியூயோர்க்கில் நடைபெறவுள்ள அதேவேளை, ஐரோப்பிய நாடுகள் சில இத் தேர்தலில் இலங்கைக்கு எதிராகப் பிரசாரத்தை முன்னெடுத்துள்ளன என்றும் கூறப்படுகின்றது.