யாழ்ப்பாணம் வலிகாமம்  மேற்குப் பிரதேசத்தில் படையினரால் இன்று அதிகாலை முதல் நண்பகல் 12மணிவரை ஊரடங்குச்சட்டம் அமுல்படுத்தப்பட்டது.
காலையில் யாழ் எவ்.எம் ஊடாக வலிகாமம் மேற்குப் பகுதியில் ஊரடங்குச்சட்டம் நீக்கப்படமாட்டாது எனவும் 513வது படையினரின் கட்டுப்பாட்டின் கீழ் உள்ள அனைத்துப் பகுதிகளிலும் ஊரடங்குச்சட்டம் அமூல் செய்யப்பட்டுள்ளதாகவும் நன்பகல் 12.00மணிவரை ஊரடங்குச் சட்டம் அமூலில் இக்குமெனவும்; அறிவிக்கப்பட்டது.

யாழ் பல்கலைக்கழக விடுதிகளில் தற்போது தொற்றுநோய் அபாயம் நிலவுவதாக விடுதி வட்டாரங்கள் தெரிவிக்கின்றன.

தியாக தீபம் லெப்.கேணல் திலீபனின் 19ஆம் ஆண்டு நினைவு நிகழ்வுகள் கடந்த 15ஆம் திகதி முதல் தமிழர் தாயகத்திலும் புலம்பெயர் நாடுகளிலும் உணர்வெழுச்சியுடன் ஆரம்பமாகியது.

குடாநாட்டில் உணவகங்களில் உணவுப் பண்டங்களின் விலை நாளுக்கு நாள் அதிகரித்துச் செல்கிறது. ஆத்தியாவசியப்பொருட்களுக்கு ஏற்பட்டிருக்கும் தட்டுப்பாடு மற்றும் விலை உயர்வு போன்றவற்றையடுத்தே உணவுப்பண்டங்களின் விலையை உயர்த்த வேண்டிய தேவை ஏற்பட்டுள்ளதாகவும் இதேவேளை விலை உயர்வால் வுpற்பனை பாதிக்கப்பட்டுள்ளதாகவும் உணவகங்களின் உரிமையாளர்கள் தெரிவிக்கின்றனர்.

குடாநாட்டில் சீரான மின் விநியோகம் இன்மையால் வங்கிச் சேவைகள் அனைத்தும் முடங்கிப்போகும் அபாயநிலை தோன்றியுள்ளதாக இலங்கை வங்கியின் யாழ் மேற்தரக்கிளை முகாமையாளரும் யாழ் மாவட்ட வங்கியாளர் சங்கத்தின் செயலாளருமான என்.சிவரட்ணம் தெரிவித்தார்.

யாழ் பல்கலைக்கழக மாணவர்களுக்கான இந்த வருடத்துக்கான- மகாபொல புலமைப் பரிசில் மற்றும் மாணவர் உதவிப்பண கொடுப்பனவுகள் இதுவரை வழங்கப்படவில்லையென மாணவர்கள் தெரிவிக்கின்றனர்.

நாட்டின் தற்போதைய சூழ்நிலையில் இருதரப்பும் சமாதானப் பேச்சுகளுக்குச் செல்வது மிகக் கடினம். ஆனால் இருதரப்பும் முழு அளவிலான யுத்தத்திற்குச் செல்வது மிகச் சுலபம். அந்தளவிற்கு நாடு இன்று யுத்தச் சூழ்நிலைக்குள் தள்ளப் பட்டுள்ளது.

ஈழப்போராட்டத்துக்குத் தமிழ்நாட்டு மக்களிடையே பெருகி வரும் ஆதரவு தமிழ்நாட்டு ஊடகங்களையும் தவிர்க்க இயலாமல் ஆதரவு நிலைப்பாட்டுக்கு மாற்றி வருகிறது ! பேராசிரியர் கு.அரசேந்திரன் (சென்னை கிறித்துவக் கல்லூரி)

கொழும்பு நகரில் தமிழர்கள் கடத்தப்பட்டு வருவது, திடீரென மாயமாவது, கொல்லப்படுவது ஆகியவை குறித்து விசாரிக்க ஓய்வு பெற்ற பெற்ற நீதிபதி தலைமையில் கமிஷனை அமைப்பதாக அறிவித்துள்ளார் அதிபர் ராஜபக்சே.

வடக்கு, கிழக்கில் தமிழ் குழுக்களுக்கு ஆயுதங்கள் வழங்கப்பட்டு வருகிறது. ஈ.பி.டி.பி., புளொட் மற்றும் ஈ.பி.ஆர்.எல்.எப். (வரதர் அணி) போன்றவற்றுக்கே இவ்வாறு ஆயுதங்கள் வழங்கப்பட்டுள்ளதாக பாதுகாப்பு தரப்புகள் தெரிவிக்கின்றன.