தமிழர் தாயகத்தில் பெய்துவரும் அடை மழையினால் மக்கள் வெகுவாகப் பாதிக்கப்பட்டுள்ளனர்.

இந்தியாவின் வர்த்தக தலைநகராக விளங்கும் மும்பையில் நேற்று முன்தினம் அடுத்தடுத்து 9 இடங்களில் தீவிரவாதிகள் துப்பாக்கியால் சுட்டும், வெடிகுண்டுகளை வீசியும் தாக்குதல் நடத்தினார்கள். இதில் 100 பேர் பலியானார்கள். மேலும் 200 பேர் படுகாயம் அடைந்தனர்.

இலங்கை எதிர்கொண்டுள்ள நெருக்கடிகளுக்கு சுதந்திரத் தமிழீழமே ஒரே யொரு தீர்வு என மறுமலர்ச்சித் திராவிட முன்னேற்றக் கழகத்தின் பொதுச் செயலாளர் வைகோ பிரிட்டனின் நாடாளுமன்ற உறுப்பினர்கள் மத்தியில் உரையாற்றுகையில் ஆணித்தரமாக தெரிவித்துள்ளார்.

அம்பாறை மாவட்டம் பொத்துவில் காட்டுப் பகுதியில் தேடுதல் நடவடிக்கையில் ஈடுபட்ட விஷேட அதிரடிப்படையினருக்கும் தமிழீழ விடுதலைப் புலிகளுக்கும் இடையில் நடைபெற்ற நேரடி  மோதலில் 4 விஷேட அதிரடிப்படையினர் கொல்லப்பட்டனர் மேலும் ஒருவர் காயமடைந்தார்.

கிளிநொச்சியில் நேற்று இலங்கையின் தேசியக்கொடியை ஏற்றுவது என அரசாங்கம் வகுத்திருந்த திட்டம் பயனற்று போனதாக "ட்ரான்ஸ்கரன்ட்" இணையத்தளம் தெரிவித்துள்ளது.

மட்டக்களப்பு தாளங்குடாவில் ஒருவர் சுட்டுக் கொல்லப்பட்டுள்ளார். நேற்றிரவு சுட்டுக் கொல்லப்பட்ட இவரது சடலமும், வாகரையில் சுடப்பட்ட மற்றயவரது சடலமும் வாழைச்சேனை வைத்தியசாலைக்கு கொண்டு செல்லப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன. 

மட்டக்களப்பில் அண்மைக்காலமாக சிறிலங்கா அரச படையினர் நடத்தி வரும் தொடர் கொலை வெறியாட்டத்துக்கு தமிழீழ விடுதலைப் புலிகள் கடும் கண்டனம் தெரிவித்துள்ளனர்.