வடக்கு, கிழக்கில் தமிழ் குழுக்களுக்கு ஆயுதங்கள் வழங்கப்பட்டு வருகிறது. ஈ.பி.டி.பி., புளொட் மற்றும் ஈ.பி.ஆர்.எல்.எப். (வரதர் அணி) போன்றவற்றுக்கே இவ்வாறு ஆயுதங்கள் வழங்கப்பட்டுள்ளதாக பாதுகாப்பு தரப்புகள் தெரிவிக்கின்றன.

குடாநாட்டில் டீசலைப் பெறுவதில் ஏற்பட்டுள்ள சிக்கலால் தொடர்ந்தும் மின்சாரத்தை வழங்;க முடியாத நிலை ஏற்படடுள்ளதாக மின்சாரசபை வட்டாரங்கள் தெரிவித்துள்ளன.

குடாநாட்டில் பாணுக்கான தட்டுப்பாடு தொடர்ந்தும் நிலவி வருவதாக மக்கள் தெரிவித்துள்ளனர் கோதுமை மாவுக்கான தட்டுப்பாடு. ஏற்றட்டதிலிருந்து பாணை மட்டுமே காலை உணவாக உண்ணவேண்டிய நிலை ஏற்பட்டது

சிறுப்பிட்டி வீதி அச்செழுவில் படையினரால் கடந்த திங்கட்கிழமை சந்தேகத்தின்பேரில் கைது செய்யப்பட்ட யுவதிகளில் ஒருவர் உயிரிழந்துள்ளார். மற்றையவர் வலிப்பு வந்தநிலையில் யாழ் போதனா வைத்தியசாலையில் சிகிச்சை பெற்று வருகிறார்.

உணவுப்பொருள்களுக்கு ஏற்பட்டுள்ள கடும் தட்டுப்பாட்டு நிலையில், உணவுப் பொருள்களை கப்பல்மூலம் எடுத்து வருவ தானது இப்பகுதி வாழ் அனைத்து மக்களுக் கும் போதுமானதாக இல்லை.

திருகோணமலை லிங்கநகர் பகுதியில் பாழடைந்த வீடு ஒன்றின் பின்புறத்தில் உள்ள கிணற்றில் இருந்து நேற்றுப் பிற்பகல் கடற்படைச் சிப்பாய் ஒருவரின் சடலம் மீட்கப்பட்டுள்ளது.

யாழ் நிலவரம் 14-09-2006 (நெருடலுக்காக யாழில் இருந்து சஞ்ஜித்)


குடாநாட்டில் இருந்து ஒரு தொகுதி பயணிகள் இன்று அதிகாலை 1மணியளவில்  கப்பல் மூலம் திருகோணமலைக்கு அழைத்துச்செல்லப்பட்டனர். ஏ9 பாதை மூடப்பட்டதன் பின்னர் கொழும்பு செல்ல முடியாமல் தவிப்பவர்களே இவ்வாறு அழைத்துச்செல்லப்பட்டனர்.

வெளிநாட்டுப் பிரஜைகளுக்கும் வெளிநாட்டில் வசிக்கும் இலங்கைப் பிரஜைகளுக்கும்  புலமைப் பரிசில் பெற்று கற்கை நடவடிக்கைக்காக வெளிநாடு செல்பவர்களுக்கும் இந்தக் கப்பலில் முன்னுரிமை வழங்கப்படவுள்ளதாக நேற்;று காலை முதல்; யாழ் எப்.எம் வானொலி மூலம் அறிவிக்கப்பட்டது.