குடாநாட்டில் இருந்து நேற்று முன்தினம் கப்பல் மூலம் அழைத்துச் செல்லப்பட்ட 800 பயணிகளும் நேற்று மாலை திருகோணமலையை வந்தடைந்தனர் கடந்த மாதாம் 11ஆம் திகதி குடாநாட் டில் ஆரம்பமான மோதல் சம்பவம் காரணமாக ஏ9 வீதி மூடப்பட்ட தையடுத்து தெற்கே செல்ல முடியாத நிலையில் இருந்தவர்களில் 800 பேர் நேற்று முன்தினம் கப்பல் மூலம் அழைத்துச்செல்லப்பட்டிருந்தனர். காங்கேசன்துறை துறை முகத்தில் இருந்து நேற்று அதிகாலை 5 மணிக்குப் புறப்பட்ட இக்கப்பல் நேற்று மாலை 6.30 மணியளவில் திருகோணமலை அஷ்ரப் இறங்குதுறையை வந்தடைந்தது .

தனுஷ்கோடி அருகே நடுக்கடல் மணல் திட்டில் இறக்கிவிடப்பட்ட 18 அகதிகளைமீனவர்கள் மீட்டனர். திருகோணமலை, மன்னார் பகுதிகளிலிருந்து 30 குடும்பங்களைச் சேர்ந்த 106 அகதிகள் தலைமன்னார் கடற்கரையிலிருந்து படகில் புறப்பட்டு வெள்ளிக்கிழமை தனுஷ்கோடி வந்தனர்.

நேற்று இரவுமுதல் பலாலியில் இருந்தும் யாழ் கோட்டை மற்றும் கரையோர பகுதிகளில் இருந்து புலிகளின் கட்டுப்பாடு பகுதியை நோக்கி தொடர்மோட்டார் எறிகனை மற்றும் மோட்டார்தாக்குதல் சத்தங்களால் யாழில் பல் இடங்கள் அதிர்கின்றன. குண்டுகள் யாழில் சில இடங்களில் வீழ்ந்து வெடித்துள்ளது என்ற வதந்திகளும் பரவி வருகின்றமையால் மக்கள் அச்ச உணவுடன்ச் தங்கள் வழமையான நடவடிக்கைகளில் ஈடுபட்டு வருகின்றனர்.

வடமராட்சி கிழக்கு நகர்கோவில் பகுதியில் விமானப் படையினர் நேற்று புதன்கிழமை நடத்திய தாக்குதலில் இராணுவச் சிப்பாயொருவர் உயிரிழந்ததுடன் இரு படையினர் படுகாயமடைந்துள்ளனர். கிபிர் விமானமொன்று புலிகளின் கட்டுப்பாட்டு பகுதியெனக் கருதி நடத்திய தாக்குதலிலேயே இந்த உயிரிழப்பும் படுகாயமும் ஏற்பட்டதாகவும் படையினர் தெரிவித்தனர்.