இலங்கை அகதிகளுடன் தமிழகம் வந்த தமிழக இளைஞரொருவரை போலிக் கடவு சீட்டு பயன்படுத்திய குற்றச்சாட்டின் பேரில் பொலிஸார் கைது செய்துள்ளனர். தனுஷ்கோடிக்கு நேற்று முன்தினம் வந்த அகதிகளுடன் மேற்படி இளைஞர் இலங்கை அகதியெனக் கூறியே வந்துள்ளார்.

மனித உரிமை மீறல்களுக்கு இலங்கை அரசுப் படைகளைக் குற்றம் சுமத்தும் பிரேரணை ஒன்றை ஐ.நா. மனித உரிமைகள் கவுன்ஸிலின் முன்வைக்க ஐரோப்பிய ஒன்றியம் முஸ்தீபு செய்து வருவதாகக் கூறப்படுகிறது. எதிர்வரும் 18ஆம் திகதி ஜெனிவாவில் ஆரம்பமாகும் ஐ.நா. மனித உரிமைகள் கவுன்ஸி லின் கூட்டத்தொடரில் அந்தப் பிரேரணை முன்வைக்கப்படவிருக்கிறது. கொழும்பிலிருந்து வெளியாகும் ஆங்கில வார இதழ் ஒன்றுக்கு அதன் லண்டன் செய்தி யாளர் அனுப்பிய செய்தியில் இத்தகவல் தெரிவிக்க ப்பட்டிருக்கின்றது.

நேற்று அதிகாலை பயங்கரவாத சந்தேகத்தின் பேரில் கைதான ஒன்பது பேரில் ஏழுபேர் பி.ப.16.00 மணிக்கு நீதிபதியின் முன் ஆஜர்படுத்தப்பட்டார்கள். மற்றைய இருவரும் விடுதலை செய்யப்பட்டார்கள். இதில் ஒருவர் டென்மார்க்கிலோ அல்லது வெளிநாட்டிலோ பல குண்டு வெடிப்புக்களுக்குத் திட்டமிட்டதாக சந்தேகிக்கப்படுகிறது. மற்றைய ஆறுபேரும் நன்கு பரிச்சயமான டேனிஸ் பின்னணி கொண்டவர்கள்.