|
ஆஸ்கர் விருதுகள்: சிறந்த படம் 'கிராஷ்' |
|
|
|
Tuesday, 07 March 2006 |
|
புரோக் பேக் மவுண்டென் படம்தான் சிறந்த படத்துக்கான விருதைத் தட்டிச் செல்லும் என்று பரவலாக எதிர்பார்க்கப்பட்டது ஆனால் ஆஸ்கர் தேர்வுக் குழு நினைத்ததோ வேறு. சுயாதீனமாக, குறைந்த பொருட்செலவில், லொஸ் ஏஞ்சல்ஸ் நகரில் இனத் துவேஷம் பற்றிய கதைக்கரு கொண்ட கிராஷ் என்ற படம் விருதைத் தட்டிச் சென்றது.
புரோக் பேக் மவுண்டெனை இயக்கிய அங் லீ, சிறந்த இயக்குநர் விருதை வாங்கினார். கவ்பாய்ஸ் அதாவது மாடு மேய்க்கும் ஆண்கள் இருவர் ஒருவர் மேல் ஒருவர் காதல் வயப்படுவது. அந்த ஓரினக் காதலோடு சமூகத்தை அவர்கள் எதிர்கொள்வது பற்றியது இப்படம். எழுத்தாளர் ட்ரூமன் கபோடெயாக கபோடெ என்ற படத்தில் வாழ்ந்து காட்டியிருந்த பிலிப் செய்மோர் ஹொஃப்மேன் சிறந்த நடிகருக்கான ஆஸ்கரை வென்றார். சிறந்த துணை நடிகருக்கான விருதை பெண்களின் கனவு நாயகனாகத் திகழ்ந்த ஜார்ஜ் குலூனி பெற்றார். வாக் த லைன் படத்தில் மேற்குலக நாட்டுப்புற இசைப் பாடகி ஜூன் கார்ட்டராக நடித்தமைக்காக சிறந்த நடிகைக்கான விருதைப் பெற்றார் ரீஸ் விதர்ஸ்பூன். தி கொன்ஸ்டண்ட் கார்ட்னர் படத்திற்காக சிறந்த துணை நடிகை விருதை ரேச்சல் வெய்ஸ் தட்டிச் சென்றார். இந்த முறை ஆஸ்கரில் மேலும் ஒரு அரிய சாதனை நிகழ்த்தப்பட்டது. வால்லெஸ் அண்ட் குரோமிட் த கர்ஸ் ஒப் த வேர் ரேப்பிட் படத்துக்காக சிறந்த அனிமேடட் பீக்சர் விருதை நான்காவது முறையாக நிக் பார்க்கர் வாங்கினார்.
நெருடல் இணையம்
|
