|
இலங்கையர்களுக்கு உணவு நிவாரணங்களை வழங்குவதில் சிக்கல் என்கிறது உலக உணவுத்திட்டம் |
|
|
|
Monday, 12 May 2008 |
|
 சுமார் ஒரு மில்லியன் இலங்கையர்களுக்கு உணவு நிவாரணங்களை வழங்குவதில் பல்வேறு சிக்கல்களை உலக உணவுத் திட்டம் எதிர்நோக்கி வருவதாக செய்தி வெளியிட்டுள்ளது.
பாதிக்கப்பட்டோருக்கு தொடர்ச்சியான நிவாரணத் திட்டங்களை முன்னெடுப்பதற்கு சுமார் 36 மில்லியன் அமெரிக்க டொலர் நிதி உடனடியாக தேவைப்படுவதாக தெரிவிக்கப்படுகிறது.
உணவுப் பொருட்களுக்கான விலையேற்றம் காரணமாக ஏற்கனவே உலக உணவுத் திட்டம் பல்வேறு நெருக்கடிகளை எதிர்நோக்கி வருவதாகத் தெரிவிக்கப்படுகிறது.
தனிநபர் ஒருவருக்கு வழங்கப்படும் கலோரி அளவில் மாற்றங்களை மேற்கொண்டு தற்போது உணவு விநியோகத்தை தொடர்ச்சியாக பேண நடவடிக்கை மேற்கொள்ளப்பட்டுள்ளதாகவும் தெரியவருகிறது.
இலங்கையில் இடம்பெயர்ந்தோருக்கு வழங்குவதற்காக ஜப்பானிடமிருந்து அரிசி மற்றும் டின் மீன் என்பவற்றை எதிர்பார்த்திருப்பதாக உலக உணவுத் திட்டத்தின் இலங்கைப் பொறுப்பாளர் தெரிவித்துள்ளார்
நெருடல் இணையம்
|
