|
சிறிலங்கா கடற்படைக்கு புதிய போர்க் கப்பல்கள்: குரோசிய அரசுடன் புதிய கூட்டு முயற்சி |
|
|
|
Monday, 09 June 2008 |
|
சிறிலங்கா கடற்படைக்கு போர்க் கப்பல்களை உருவாக்கும் முயற்சியில் குரோசிய நாட்டுடன் இணைந்து சிறிலங்கா கடற்படை இறங்கியுள்ளதாக படைத்தரப்பு வட்டாரங்களில் இருந்து அறிய வருகின்றது.
சிறிலங்காப் பிரதமரின் குரோசியப் பயணத்தினைத் தொடர்ந்து அங்கு சென்ற சிறிலங்கா கடற்படைத் தளபதி வைஸ் அட்மிரல் வசந்த கரன்னகொட அந்நாட்டு அதிகாரிகளுடன் இந்த வேலைத்திட்டம் தொடர்பான சாத்தியப்பாடுகள் குறித்து பேச்சு நடத்தியுள்ளார் என்றும் தெரிவிக்கப்படுகின்றது.
பாக்கு நீரிணை பக்கமாகவும் வடக்கு - கிழக்குப் பகுதிகளை அண்டிய ஆழ்கடலிலும் அதிகரித்துள்ள கடற்புலிகளின் நடவடிக்கைகளுக்கு எதிராக தாக்குதல்களை மேற்கொள்வதற்கு சிறிலங்கா கடற்படையிடம் தாக்குதல் படகுகள் பற்றாக்குறை என்பது தொடர்ந்து வரும் பிரச்சினையாகவுள்ளதால், இதனை நிவர்த்தி செய்யும் பொருட்டே - இனியும் தாமதியாமல் - சிறிலங்கா இந்த முயற்சியில் இறங்கியுள்ளதாக அந்த தகவல்கள் மேலும் தெரிவித்தன.
சிறிலங்கா கடற்படையின் வலுவையும் வலிமையையும் அதிகரிக்கும் வகையில் மேற்கொள்ளக்கூடிய இந்த திட்டத்துக்கு குரோசிய அரசு சாதகமாக பதிலளித்துள்ளதாகவும் மேலும் தெரியவருகிறது.
நெருடல் இணையம்
|
