மல்லாவி நோக்கி கடந்த வெள்ளிக்கிழமை முன்நகர்ந்த சிறிலங்காப் படையினர் மீது தமிழீழ விடுதலைப் புலிகள் நடத்திய தாக்குதலில் பெருமளவிலான படையினர் கொல்லப்பட்டுள்ளதுடன் காயமடைந்துள்ளனர் என்று கொழும்பு ஆங்கில வார ஏடான 'சண்டே ரைம்ஸ்' தெரிவித்துள்ளது.

இது தொடர்பில் அதில் மேலும் தெரிவிக்கப்பட்டுள்ளதாவது:

மல்லாவி நோக்கி கடந்த வெள்ளிக்கிழமை முன்நகர்ந்த படையினர் மீது விடுதலைப் புலிகள் நடத்திய எதிர்த்தாக்குதலில் 11 படையினர் கொல்லப்பட்டும் 20-க்கும் அதிகமானோர் காயமடைந்தும் உள்ளனர் என்று படைத்தரப்பு தெரிவித்துள்ளது.

ஆனால் இம்மோதல்களில் பெருமளவான படையினர் கொல்லப்பட்டுள்ளதுடன் 65-க்கும் அதிகமானோர் படுகாயமடைந்துள்ளனர் என்று சுயாதீன தகவல்கள் தெரிவித்துள்ளன.

13 மணிநேரத்திற்கும் அதிகமாக நீடித்த மோதல்களில் 30 படையினர் கொல்லப்பட்டு 60-க்கும் அதிகமானோர் காயமடைந்துள்ளனர் என்று விடுதலைப் புலிகள் தெரிவித்திருந்தது குறிப்பிடத்தக்கது.

Comments (0) >>

Write comment

Show/Hide comment form

Name

Email

Comment

உங்கள் கருத்துக்களை கீழுள்ள பெட்டியில் தமிழில் எழுதி அவற்றை பிரதிசெய்து மேலுள்ள பெட்டியில் இட்டு கருத்தை இணைக்கவும்.

Add Comment