|
வவுனியாவில் மும்முனை ஊடுருவல் தாக்குதல் முறியடிப்பு: 15 படையினர் பலி, 20 பேர் காயம். |
|
|
|
Saturday, 16 August 2008 |
|
 வவுனியா பாலமோட்டை, குஞ்சுக்குளம் பகுதிகளில் மூன்று முனைகளில் இலங்கைப் படையினர் மேற்கொண்ட ஊடுருவல் தாக்குதலுக்கு எதிராக விடுதலைப் புலிகள் நிகழ்த்திய தாக்குதலில் படையினர் 15 பேர் கொல்லப்பட்டுள்ளனர். 20 இற்கும் மேற்பட்ட படையினர் காயமடைந்துள்ளனர்.
கடந்த புதன்கிழமை தொடக்கம் நேற்று முன்தினம் பிற்பகல் வரை இப்பகுதிகளில் மூன்று முனைகளில் படையினர் ஊடுருவல் தாக்குதல்களை நிகழ்த்தியுள்ளனர்.
படையினருக்கு உதவியாகப் பல்குழல் எறிகணைத் தாக்குதல்களையும், ஆட்லறி மற்றும் மோட்டார் எறிகணைத் தாக்குதல்களையும் இலங்கைப் படையினர் பின்தளங்களிலிருந்து தாக்குதலை நடத்த படையினர் ஊடுருவல் முயற்சியை மேற்கொண்டனர்.
இவ்வூடுருவிய படையினர் மீது தீவிர எதிர்த்தாக்குதலை விடுதலைப் புலிகள் நடத்தினர். இதில் படையினர் பலத்த இழப்புக்களைச் சந்தித்துள்ளனர். அதிகாரிகள் உட்பட 15 படையினர் இத்தாக்குதலில் கொல்லப்பட்டனர். 20 ற்கும் அதிகமான படையினர் காயமடைந்துள்ளனர்.
இத்தாக்குதல்களின் பின்னர் அப்பகுதியில் தேடுதலை நடத்திய விடுதலைப் புலிகள் படைப்பொருட்களையும் கைப்பற்றியுள்ளதாகத் தெரிவிக்கப்படுகிறது.
நெருடல் இணையம்
|
