நாச்சிக்குடாப் பகுதியில் சிறிலங்கா படையினர் மேற்கொண்ட பெருமெடுப்பிலான முன்நகர்வு தமிழீழ விடுதலைப் புலிகளால் முறியடிக்கப்பட்டுள்ளது. இதில் 34 படையினர் கொல்லப்பட்டுள்ளனர். 7 உடலங்கள் உட்பட படையப்பொருட்கள் விடுதலைப் புலிகளால் கைப்பற்றப்பட்டுள்ளன.

நாச்சிக்குடாவை வல்வளைக்கும் நோக்கில் நேற்று திங்கட்கிழமை பிற்பகல் 2:00 மணிக்கு சிறிலங்கா படையினர் பெருமெடுப்பில் பாரிய முன்னகர்வினை மேற்கொண்டனர்.

முன்நகர்வின் போது சிறிலங்கா படையினர் கனரக போர்க்கலங்களுடன் மிகச்செறிவாக பல்குழல் வெடிகணை, ஆட்டிலெறி எறிகணை மற்றும் பீரங்கித் தாக்குதல்களை நடத்தினர்.

இம்முன்நகர்வுக்கு எதிரான தாக்குதலை இன்று அதிகாலை 2:00 மணிவரை விடுதலைப் புலிகள் நடத்தினர்.

விடுதலைப் புலிகள் நடத்திய தீவிர முறியடிப்புத் தாக்குதலையடுத்து படையினர் பலத்த இழப்புக்களுடன் பின்வாங்கினர்.

இதில் 34 படையினர் கொல்லப்பட்டனர். நூற்றுக்கணக்கான படையினர் காயமடைந்தனர். படையினரின் ஏழு உடலங்களையும் படையப் பொருட்களையும் விடுதலைப் புலிகள் கைப்பற்றினர்.

களமுனையில் மேலும் பல படையினரின் உடலங்கள் சிதறிக்கிடப்பதாக களமுனைத் தகவல்கள் தெரிவிக்கின்றன.

Comments (0) >>

Write comment

Show/Hide comment form

Name

Email

Comment

உங்கள் கருத்துக்களை கீழுள்ள பெட்டியில் தமிழில் எழுதி அவற்றை பிரதிசெய்து மேலுள்ள பெட்டியில் இட்டு கருத்தை இணைக்கவும்.

Add Comment