படையினரது முன்னகர்வுகளுக்கு எதிராக போராளிகள் இன்று செவ்வாய்கிழமை அதிகாலை 2 மணி வரையான 12 மணி நேரம் எதிர்த் தாக்குதலைத் தொடுத்து படையினரது முன்னகர்வுகளை முறியடித்துள்ளனர்.

சிறீலங்காப் படையினருக்கு நேற்றைய எதிர்த் தாக்குதலில் பலத்த உயிரிழப்புகள் மற்றும் ஆளணி சேதாரங்கள் ஏற்பட்டுள்ளன. இதில் 45 படையினர் கொல்லப்பட்டுள்ளனர். மேலும் 51க்கும் அதிகமான படையினர் காயங்களுக்க உள்ளாகியுள்ளனர். விடுதலைப் புலிகளால் 7 படையினரது சடலங்களையும் படையினர் விட்டுவிட்டுச் சென்ற படைக் கருவிகளும் கைப்பற்றப்பட்டுள்ளன. அதில் மூன்று உடலங்கள் சிதைவடைந்து காணப்பட்டதால் அவை நாச்சிக்குடாவில் அடக்கம் செய்யப்பட்டுள்ளன என விடுதலைப் புலிகளின் தரப்புச் செய்திகள் கூறுகின்றன.

இதேபோன்று நேற்றுக் அதிகாலை 5 மணி முதல் மாலை 6 மணி வரை வெள்ளாங்குளத்திற்கும் அக்கராயன் வன்னேரிக்குளத்திற்கும் இடைப்பட்ட 8ம்,9ம்,10ம் மைல்கல் ஊடாக சமநேரத்தில் பரவலாக முன்னகர்வுகளில் ஈடுபட்ட படையினர் மீது தமிழீழ விடுதலைப் புலிகள் நடத்திய எதிர்த்தாக்குதல்களில் 30 சிறீலங்காப் படையினர் கொல்லப்பட்டுள்னர். மேலும் 50க்கும் அதிகமான படையினர் காயங்களுக்கு உள்ளாகியுள்ளர். இப்பகுதியில் சிறீலங்காப் படையினரது 12 உடலங்கள் கைப்பற்றப்பட்டுள்ளன. இதில் இரு உடலங்கள் சிதைவடைந்து காணப்பட்டதால் அவை அந்த இடத்தில் அடக்கம் செய்யப்பட்டுள்ளன.  படையினருக்கு பலத்த உயிரிழப்புகள் மற்றும் ஆளணி சேதாரங்கள் ஏற்பட்டுள்ளததை படையினர் தமது நிலைகளுக்குப் பின்வாங்கிச் சென்றுள்ளனர் என தமிழீழ விடுதலைப் புலிகள் தெரிவித்துள்ளனர்.