அக்கராயன் – முறிகண்டி பகுதியில் விடுதலைப் புலிகளின் முறியடிப்புத் தாக்குதலில் படையினர் 26 பேரும், வன்னிவிழாங்குளத்தில் 16 படையினரும், வன்னேரிக்குளத்தில் படையினர் 20 பேரும் கொல்லப்பட்டதாக விடுதலைப் புலிகள் அறிவித்துள்ளனர்.

விடுதலைப் புலிகளின் தாக்குதல்களில் அக்கராயனில் 49 படையினரும், வன்னிவிழாங்குளத்தில் 23 படையினருமான மொத்தம் 72 சிறீலங்கா படையினர் காயமடைந்துள்ளதாகவும், விடுதலைப் புலிகள் அறிவித்துள்ளனர்.

நேற்றைய மோதலில் விடுதலைப் புலிகளுக்கு ஏற்பட்ட இழப்புக்கள் பற்றி விபரங்கள் எதுவும் விடுதலைப் புலிகளால் வெளியிடப்படவில்லை.

இதேவேளை, வவுனியா, மன்னார் மருத்துவமனைகளில் படையினருக்கென ஒதுக்கப்பட்டுள்ள பகுதிகளில் நாளாந்தம் பெருமளவிலான காயமடைந்த படையினர் அனுமதிக்கப்பட்டு வருகின்றனர்.