டென்மார்க்கில் பண வீக்கம் 2.2 வீதமாக அதிகரித்துள்ளது. பல இடங்களில் பொருட்களின் விலைகள் முன்னெப்போதும் இல்லாதவாறு உயர்ந்துள்ளது என்று கூறப்பட்டுள்ளது. எரி பொருள் விலையேற்றம், கற்றினா சூறாவளியால் உண்டான பொருளாதாரப் பின்னடைவு போன்றன இதற்குக் காரணம் என்று கூறப்படுகிறது. பல் வைத்திய செலவு 4.4 வீதம் அதிகரித்துள்ளது, வீட்டு வாடகை 3.3 வீதம் கூடியுள்ளது. எனினும் சேவைத் துறையில் அதிகரிப்பு ஏற்படவில்லையென நோர்டியா கூறுகிறது. பொருளாதாரப் பின்னடைவு காரணமாக வெஸ்ராஸ் காற்றாடி தொழிற்சாலை 625 பேருக்கு கல்தா வழங்கியது. ஸ்வன்போ வெஸ்ராஸ் மூடப்படுவதால் 170 பேர் வேலை இழக்கிறார்கள். அமெரிக்க பகாசுர கணினி உருவாக்க நிறுவனமான எச்.பீ ஐரோப்பாவில் மட்டும் 6000 பேருக்கு வேலை நீக்கக் கடிதத்தை வழங்குகிறது.

Comments (0) >>